Младинскиот состав на Академија Пандев одигра одличен натпревар против врсниците на Партизан од Белград со кои ремизираа во првото коло од КУПОТ на ПРИЈАТЕЛСТВО во Златибор соседна Србија. Во ниту еден момент составот од Струмица не потклекна на ,,големиот” Партизан кој иако се обидуваше, не успеа да доминира на теренот како што очекуваа многумина. Избраниците на Стојанов и Алаѓозовски мудро и трпеливо играше и создаде доста главоболки за одбраната на партизановите фудбалери.
Резултатот го отвори Ване Крстeвски за Академија Пандев во 33 минута додека Партизан израмни преку Стејпановиќ во 43 минута од сомнителна ситуација бидејки струмичани сметаа дека топката била вратена од гол аут линијата.
Утре Академија Пандев игра со Сараево со почеток во 17 часот. Инаку станува збор за третото издание на ,,Soccerbet Kupа prijateljstva’’ каде струмичани дебитираат а учествуваат 12 младински екипи од поранешна Југославија. Академија Пандев настапува со генерацијата 2003.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
