Викендов во Дојран, меѓународен филмски фестивал ,,Преку езерото,, ќе бидат прикажани 12 филма

741

Од 5 – 7ми август во Стар Дојран ќе се одржи првото издание на Меѓународниот филмски фестивал ПРЕКУ ЕЗЕРОТО. Ова е фестивал на медитеранскиот и европскиот филм и автори кои живеат или потекнуваат од медитеранските и европските земији и е прв филмски фестивал од оваков формат во Македонија, кој ќе го збогати културниот живот во градот и околината и традиционално ќе се одржува во Дојран, покрај брегот на езерото.

“ПРЕКУ ЕЗЕРОТО“ е иницијатива предводена од Јани Бојаџи, филмски режисер и продуцент. За ова прво издание селектирани се 9 исклучителни кратки филмови од 8 медитерански земји, со актуелни теми кои се раскажани со медитерански дух, специфичен и посебен во уметноста на филмот.

Покрај главната програма во склоп на фестивалот ќе се прикажат и неколку долгометражни филмови од медитеранските земји кои се истакнале по особениот пристап на темата кој нуди нов поглед на нештата кој го поттикнува дијалогот помеѓу различните култури, општествени групи, нации. Станува збор за филмови од Хрватска, втората вечер филм од грчко труска продукција а третата вечер француска комедија

Во склоп на фестивалот ќе се одржи и мастерклас на тема: „Трагањето на сценаристите по вистинското значење на темата во нивните сценарија“. Мастеркласот ќе го води докажаниот скрипт-консултатнт од Англија Џон Стивенс.

Меѓународното жири кое ќе ги оценува филмовите во натпреварувачката конкуренција ќе го предводи истакнатиот грчки режисер Василис Мазоменос а членови на жирито се Гоце Кралевски продуцент и Ева Камчевска сценарист од Македонија.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.