Форумот на жени при ОО СДСМ Струмица во кафе барот ETC на струмичкото корзо одржаа акција, која имаше за цел да се соберат средства за лекување на 14 годишната Нина Димитриевска од Струмица. Акцијата беше насловена како „Кафе дружба за Нина“ при што граѓаните ја покажаа уште еднаш својата хуманост и солидарност донирајки средства како со испиеното кафе така и директно во кутијата поставена пред ETC.
„Се дружевме, испиевме кафе и заедно покажавме дека хуманоста и солидарноста се најсилни кога се најпотребни“, кажа Танкица Трендова за Радио Струмица Нет
Инаку младата Нина веќе е во САД. Како што објави нејзината мајка Славица во наредниот период следуваат дополнителни прегледи и испитувања, нови ортози и интензивна физикална терапија за што се потребни средства.
“Патот сè уште не е завршен, но веруваме и се надеваме дека чекор по чекор одиме кон подобро утре. Ви благодариме што сте со нас во секој момент и што ни давате сила да продолжиме понатам“, објави на ФБ мајката Славица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
