Јована Стојанова ученичката при ООУ ,,Мануш Турновски’’ од Ново Село доби признание за освоено прво место за најдобра ликовна творба/фотографија инспирирана од делата на Блаже Конески. Станува за признание кое ги доделува Министерството за образование по распишаниот конкурс во април годинава по повод 100 годишнината од раѓањето на Блаже Конески а беше посветен за основците за најдобра ликовна и поетска творба.
„Сто годишнината од раѓањето на еден од најпознатите македонски дејци, одлучивме да ја одбележиме заедно со основците, со најмладите во образовниот систем, за да покажеме дека во училиштата се учи за Блаже Конески уште од рана возраст и младите знаат за кого се работи, знаат каков и колкав е неговиот придонес во развојот на македонската култура, литература, традиција, наука и воопшто неговиот придонес кон градењето на националниот идентитетГорда сум на сегашните генерации. Тие ќе го одржуваат ликот и делото на великаните како Конески. Тие градат и ќе градат култура и традиција“, рече Царовска,
Конкурсот предвиде натпреварување на основците во 6 различни категории. Учениците од прво до трето одделение се пријавуваа со творби на темите „Блаже Конески низ цртеж“ и „Буквите низ цртеж“, а се натпреваруваа и за најдобра фотографија. Додека, останатите ученици од четврто до деветто одделение твореа на темите „Конески бдее над татковината – јазикот“ и „Поезијата на Блаже Конески- наша ненасушна инспирација“, а се избираа најдобра поетска творба, расказ и ликовна творба/фотографија. Победниците беа симболично наградени со по две збирки на дела од Блаже Конески.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
