Првиот човек на општина Струмица градоначалникот Коста Јаневски повторно е избран за претседател на Советот за развој на Југоисточниот плански регион. Тој едногласно ја доби довербата и поддршката од преставниците на сите 10 општини и во наредните две години да биде претседател за да ги координира активностите за рамномерен регионален развој за доброто на граѓаните од овој регион
Ова е епилогот од тринаесетатата седница на Своетот за развој на Југоисточниот плански регион оддржана во Ново Село каде градоначалниците донесоа и Одлука за доделување на Јубилејна награда на Раководителот на Центарот за развој на Југоисточниот плански регион Жулиета Ѓуркова.
Согласно Програмата за рамномерен регионален развој за 2020 година, раковдителката Ѓуркова ги извести сите Градоначалници дека во согласност со Одлуката за класификација на планските региони според степенот на развиеност, Југоисточниот регион се стекнува со право на користење на приближно 35.835.240,00 денари. Градоначалниците се договорија за краток временски период да се одржи и следната седница со цел утврдување на Годишната листа на предлог проекти кои се приоритет на регионот за 2020 година.
На седницата беше презентиран текот на имплементацијата на проектот „Агрометеоролошки станици за заштита на земјоделските култури и животната средина“ кој е финансиран од страна на Министерството за локална самоуправа и Швајцарската Агенција за развој и соработка, а во рамките на кој ќе се овозможи воведување на современи технологии во земјоделството преку поставување на 23 Агрометеоролошки станици во сите општини во регионот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
