ЦРЈИПР склучи договор за набавка на две нови возила за заштита од шумски пожари во Југоистокот

395

Центарот за развој на Југоисточниот плански регион во рамките на проектот „Рано откривање на пожарите и нивно движење за превенција и справување со катастрофи – eFIDAR“  деновиве склучи договор со компанијата „TIMAK SHPK“ од Тирана – Албанија за набавка на две возила за заштита од шумски пожари откако претходно распиша меѓународен тендер. Како што не информираа од Центарот, вкупната вредност на двете противпожарни возила изнесува 200 илјади и 500 евра а целиот проект финансиски е поддржан од ИНТЕРРЕГ ИПА Програмата за прекугранична соработка со Грција за период 2014-2020 година

Едното специјализирано возило е мал камион за спасување и се набавува за потребите на Територијалната противпожарна единица – Гевгелија која ги покрива општините Гевгелија, Богданци и Дојран. Второто возило е пикап за прв одговор за потребите на Територијалната противпожарна единица Струмица која ги покрива општините Василево, Босилово и Ново Село, а по потреба ги помага и ТППЕ Радовиш.

Ваквата набавка на специјализирани возила ќе ги олесни интервенциите на терен, особено во делот во справување со шумски пожари, а воедно ќе ја зголеми и ефикасноста на сите четири територијални противпожарни единици од Југоисточниот плански регион. Испораката на возилата согласно склучениот договор е планирано да биде до крајот на јуни оваа година.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.