Фото – Детското одморалиште ,,Суви Лаки’’ на Огражден со години се распаѓа а државата разгледува можности што ќе прави со него

1076

Детското одмаралиште ,,Суви Лаки’’ на планината Огражден беровско, кое е во сопственост на државата со години се распаѓа. Речиси 30 години ова одморалиште не функционира и е оставено на забот на времето заради што сместувачкиот објект, кујната, ресторанот се целосно руинирани и обраснати во трева. Столаријата уништена или украдена електричните и водоводни инсталации демолирани . Таква е сликата сега од некогаш престижното одморалиште каде речиси сите деца од Југоистокот следеа настава во природа или пак одмараа

Станува збор за имот на државата кој никако не успеа ниту најде начин да го стави во функција или да го рестартира за друга намена. Од Министерството за труд и социјална политика задолжени за некогаш детските одморалишта не конкретизираа кој се грижи за овој државен имот и кои им се идните планови со ,,Суви Лаки’’

„Суви лаки“ последен пат беше ставено на продажба во 2015. кога била направена проценка дека неговата вредност изнесува 14,5 милиони денари, но објектот не се продаде. Министерството ги разгледува сите можности што ќе прави со овој објект“ – одговорија од Министерството за труд и социјална политика.

Одморалиштето се наоѓа на локалитет кој изобилува со чист воздух, одлична природа. Се протега на околу 3500 квадратни метри. Во рамките на овој конмплекс има  неколку објекти кои сите се во руинирана и очајна состојба.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.