Највисоката награда на литературниот конкурс на 56-те Детски Рацинови средби во Велес, ја освои Ване Гавровски од ООУ „Гоце Делчев“ од струмичко Босилово, со менторката Весна Тилева. Во конкуренција на 467 литературни творби на тема „Да му го земеш јазикот на еден народ – тоа значи да му ја земеш душата“ Гавровски кој е деветто одделение го освои Гран прито.
,,Јас им порачувам на сите, ако некој има желба да твори и ако тоа го исполнува и прави среќен, тогаш нека творат, нека пишуваат песни. Во однос на темата за годинашниот конкурс, сметам дека јазикот е најважен и треба да си го сакаме и да твориме на македонски јазик. И затоа јас оваа творба со целото свое срце ја напишав на мојот мајчин македонски јазик. За мене Рацин е голем човек и поет патоказ за сите досегашни и идни генерации Македонци“, порача Ване Гавровски за МИА
Како што објави агенцијата, Гавроски има освоено повеќе награди на бројни литературни конкурси во земјава, а оваа му е трета највисока Гран-при награда. На Детските Рацинови средби учествувал трипати, лани освоил втора награда, а во 2021 година прва награда. На „Пролетни треперења“ во Радовиш освоил прва награда.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
