Три улици што водат до Здравствениот дом во Богданци ќе добијат нов асфалт

670

Во рамките на европскиот проект за унапредување на општинското владеење менаџиран од УНДП, деновие во Богданци почна реконструкција на дел од пристапните улици до Здраствениот дом во ова општина. Станува збор за улиците Васо Марков , Мирче Ацев и Дојранска кои треба целосно да бидат завршени до средината на идниот месец.

,, Станува збор за гребење на постоечкиот асфалт, рамнење и поставување на нов асфалтен слој за полесен пристап до ова здравствена институција. Вкупната должина на овие улици кои ќе добијат нов асфалтен слој изнесува 406 метри или 2677 метри квадратни. Проектот преставува дел од стратешките определби на општината  чија цел е подобрување на квалитетот на живот на граѓаните преку подобрување на локалната инфраструктура, а во прв план преку подобрување на патната инфраструктура”, ни изјави градоначалникот на Богданци Блаже Шапов

Вкупната вредност за реконструкција на трите улици што водат до Здравствениот дом во Богданци изнесува 2 милиони и 183 илјади денари, проект во кој учествува и општината со свои средства од околу 615 илјади денари. Како што не информираше градоначалникот Шапов реконстуркцијата на трите улици ќе заврши за најмалку еден месец доколку дозволат временските услови

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.