Струмичките актери со 260 потписи покренаа иницијатива за да се поништи изборот на директор во Антон Панов

657

Актерите од Струмица покренаа иницијатива за поништување на изборот на директор во Центарот за култура Антон Панов и распишување на нов во кој за раководно лице ќе се изберен културен работник. Иницијативата ја именуваа ,,Фис култура или култура’’ и побараа од министерката за култура Ирена Стефоска да ја прекине праксата со партиски решенија за директори на културни институции.  Незадоволството кај струмичките актери доаѓа по изборот на Васил Бубев за директор, кој во моментов е директор на детските градинки а претходно работел како професор по физичка култура во ОУ ,,Гоце Делчев’’ во Василево а одбиени беа  магистер по културен менаџмент и актер со речиси 30 годишно искуство

,, Треба да нѝ дадете шанса да ви покажеме што знаеме и умееме. Да нѝ дадете шанса да ги препородиме културните институции, кои и така се во многу лоша состојба. До кога партиските штабови и таканаречените кадровски комисии во партиите ќе одлучуваат за тоа, кој да биде директор на културна установа и ќе решаваат човечки судбини. Почитувана Министерке за култура, конечно треба да ставите крај на диктирани партиски решенија за поставување директори на културни институции и да кажете НЕ на сите партиски притисоци,, стои во иницијативата потпишана од околу 260 културни работници не само до Струмица туку од цела Македонија

Актерот Ванчо Василев од името на актерскиот ансамбл при НУЦК ,,Антон Панов’’ побараа средба кај министерката Ирена Стефоска за да и укажат за пропустите направени при изборот. И дадоа рок до четврток да ги прими, во споритвно ќе превземат други дејствија.

,, Целта ни е нашиот глас да се слушне и да дојде до промена на таа одлука од страна на министерството за култура. На нашата иницијатива се приклучија околу 265 културни работници од цела држава од сите можни профили. Бараме да се поништи изборот и да се објави нов  конкурс,, рече актерот Ванчо Василев

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.