Струмица Жени славеше против Наковски Волеј во второто градско одбојкарско соочување (фото)

1262

Одбојкарките на Струмица Жени се реваншираа за есенскиот пораз на градскиот ривал Наковски Волеј и на свој терен славеше победа со 3:1 во сетови Избраничките на Атанас Милев и Вера Божијанова Димитриевска лошо го почнаа мечот но сепак успеаа на крај да слават за да се зацврстат на третата позиција.

Наковски Волеј одлично го отвори мечот. На домакинките Струмица Жени им дадоа само 14 поени. Девоките на Хари Наковски поведоа со 1:0, но во вториот сет домаќинките возвратија речиси со иста мера. Со далеку подобра игра во приемот и нападот Струмица Жени го доби со 25:17 и израмни на 1:1.

Избраничките на Милев со исто темпо продолжија и во третиот сет кој го добија со 25:16 и поведоа со 2:1. Најинтересно и највозбудливо беше во четвртиот. Наковски до средината на сетот имаше контрола на резултатот. Се играше егал. Струмица Жени даде максимум во финишот кога стави и крај на четвртиот сет со 25:23 за конечни 3:1

Двата струмички прволигаш заедно со Работнички и Јанта се четирите екипи меѓу кои ќе се бара новиот Шампион. Овие четири екипи повторно ќе играат секој со секого дома и гости по што ќе се знае конечниот расплет на местата за Плеј офф пресметкaта.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.