Стотина семејства од цел Југоисток собираат пластични шишиња за да преживеат

542

Расте бројот на неформалните собирачи на отпад . По струмичките улици секојдневно може да се видат луѓе со колички како собираат пластика, хартија и старо железо. Тврдат дека тоа им е единствен извор на егзистенција оти ниту работат ниту примаат социјална помош. Еден од нив е Муса Караманов кој вели дека мора да го прехрани своето петчлено семејство.

,,Веќе десет години се занимавам со ова работа. Секој ден собирам пластика и дневно заработувам по околу 200 денари. Морам, оти имам петчлено семејство и мора некако да се преханиме. Не работам никаде ама морам и да Ви кажам дека нема многу пластика за собирање. Не има многу и секој си го знае својот реон во кој сега по двајца тројца шетаме по пластика. Работам со ракавици и свесен сум дека може да се заразам, но што да правам. Мора нешто да се работи’’ вели Караманов

Караманов тврди дека низ струмичките улици но и по околните депонии има стотина собирачи на пластика. Претежно се лица кои се со минимални примања или воопшто немаат извори за егзистенција. ги има од сите заедници. Собраните пластични шишиња се носат во откупните пунктови за старо железо каде килограм пластика се откупува под цена од 10-тина денари.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.