,,Ќе се формира комисија од повеќе научни институции за следење на фактичка состојба на браната Турија и причините за неодамнешното појавување на манган во водата а долгот кој што го има општина Струмица кон АД ,,Водостопанство” ќе биде сервисиран согласно утврдена динамика.“
Вака објави претседателот на ЗЕЛС Орце Ѓорѓиевски кој на заедничка маса ,,ги седна“ градоначалникот на Струмица кој најави излегување од ЗЕЛС и министерот за земјоделство шумарство и водостопанство Цветан Трипуновски.
„ Како што истакнав на моите претходни излагања, кај мене не постои поделба по ниту една основа и ќе бидам медијатор во решавање на сите процеси. Политика мора да стои настрана, граѓаните се приоритет“ – напиша на Фејсбук Ѓорѓиевски.
Градонaчалникот на Струмица Костадин Костадинов на својата ФБ Страна потврди дека предизвикот со водата во брана Турија е деполитизиран и дека експертска група ќе даде насоки за превенција од повторна појава на високо ниво на манга
,,Работна експертска група која ќе даде дијагнозата и насоките, краткорочни, среднорочни и долгорочни за превенција на повторно појава на високо ниво на манган во водата“ напиша Костадинов
Речиси цел месец Струмица имаше забрана за користење на водата за пиење поради високо ниво на манган а Костадинов најави напуштање на ЗЕЛС заради игнорантскиот однос на институциите за проблемот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
