Само милион денари за Фолк Фест Валандово од министерството за култура, општината ќе се жали

281

Најстариот македонски музички фестивал и столб на македонската новокомпонирана народна песна ,,Фолк Фест Валандово” годинава од министерството за култура ќе добие само милион денари, иако општинските власти за негова реализација побарале 4 милиони и 693 илјади денари.

Вака стои во објавените финали резултати од Годишните конкурси за подршка на проекти од национален интерес во културата за 2019 година откако јавноста имаше остри критики за првичната распредела .И по направениот увид и  контрола на апликациите по февруарските резултати  ,,Фолк Фест Валандово,, од државата ќе добие само милион денари

,,Незадоволни сме и разочарани од распределбата. Ќе поднесеме приговор на донесеното решение кое сеуште не сме го добиле оти станува збор за Фестивал кој заслужува многу повеќе и е национален и со чии песни се негува македонскиот идентитет,, одговорија од општината од каде информираа дека лани од министерството за култура за одржување на овој фестивал добиле 1,8 милиони денари  а остатокот бил од општинскиот Буџет.

Согласно законот за култура по добиеното решение општина Валандово има право на жалба во рок од 15 дена до Државната комисија за одлучување во управна постапка и постапка во работен однос од втор степен.

,,Фолк Фест Валандово,, годинава ќе се одржи по 34 пат. Веќе се селектирани 20 тина композиции кои ќе бидат изведени во мај. Станува збор за фестивал каде оркестарот свири во живо и за негова реализиација со се наградите се трошеа по околу 4 до 5 милиони денари

(Општинските билборди за ланското издание на Фолк Фест Валандово)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.