Речиси половина тон крап се улови од браната Паљурци кај Богданци во првото коло од ,,Крапската лига 2019’’

4799

Во организација на Здружението на спортски риболовци ,,Костреш’’ од Богданци на браната Паљурци, викендов се одржа првото натпреварувачко коло од државната Крапска лига 2019. Во ова лига учествуваат вкупно 13 екипи од повеќе градови од државата, кои за трите натпреварувачки дена уловиле речиси половина тон крап кој повторно е пуштен во водите на браната Паљурци.

Како што не информираше Владко Мишев од ЗСР ,,Костреш’’ од Богданци станува збор за лига во која секој тим брои по максимум 3 члена и се натпреваруваат во дисциплината ,,ловење крап на дно’’ која бара поголема одговорност, дисциплина и напор бидејки постојано се врши лов во контуинитет вкупно 72 часа.

,, Станува збор за прво коло каде учесниците уловија приближно половина тон крап. Со оглед дека станува збор за спортски риболов секое уловено парче крап повторно се враќаше во водите на езерото откако ќе биде измерено. Најдобар резултат покажа тимот на ,,Нико Карп кој за 72 часа уловиле речиси 115 килограми крап. Втори беа риболовците од тимот на Миа еко фиш кој уловија околу 70 килограми крап додека трети риболовците од Преспав со уловени 64 килограми,, не информираше Владко Мишев од ЗСР ,, Костреш’’ од Богданци

Како што истакна Мишев лигата ќе брои три кола кои сите ќе се одржат на браната Паљурци. Следното коло ќе биде во мај а можно е на ова езеро кое се наоѓа на територијата на општина Богданци  да се одржи и балканското првенство.

фото ЗСР ,, Костреш’’ Богданци и Стефан Спирковски

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.