Основното Јавно обвинителство од Струмица отвори истрага за вчерашниот инцидент во Ново Село каде брачен пар доби прострелни рани од пиштол. Напаѓачот кој беше совладан и фатен на лице место 45 годишниот Д.С. од с. Долно Лакочереј охридско, на барање на Јавното обвинителство а одборено од судија на претходна постапка од струмичкиот суд доби 30 дневен притвор.
Како што соопштија од ОЈО Струмица против лицето се поднесени три кривични пријави и тоа за Разбојништво, Обид за убиство и за Недозволено држање на оружје и распрскувачки материи.
Полицијата вчера информираше дека околу 2 часот наутро, разбојникот носејки пиштол влегол во продавница во Ново Село со намера да изврши разбојништво. Како што стоеше во информацијата тој со пиштол пукал во брачниот пар. Сопружниците биле префрлени во струмичката болница а при увидот биле пронајдени пиштолот и чаурите од пукањето.
Блиски на семејството на повредните и очевидци информира дека жената добила прострелна рана во стомакот и била префрлена на скопските клиники а мажот во ногата и бил задржан во струмичката болница. Токму мажот иако повреден во ногата успеал да го совлада разбојникот кој носел пиштол и да го задржи се до доаѓањето на полицијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
