Општина Струмица ќе продолжи да набавува соодветна опрема за да можат нашите пожарникари да делуваат навремено.Вака кажа првиот човекна општина Струмица Петар Јанков на денешната тактичко показна вежба на ТППЕ Струмица. На оваа ежба каде струмичките пожарникари ги демонстрираа вештините за спасување имот и лица при пожар, беше презентирано и новото возило-скала што го доби единицата донација од струмичка компанија.
„ На последната седница на Советот на општина Струмица беше усвоено прифаќањето на донацијата на противпожарно возило со скала. Скалата е со распон од 25 метри и истото најчесто се употребува во урбани средини при спасувачки дејства на повисоки и тешко достапни места. Ќе продолжиме и понатаму со обезбедување на соодветна опрема за поефикасно да делуваат нашите пожарникари, изјави градоначалникот Јанков кој им го честиташе Денот на пожарникарите.
Александар Гудев командир на ТППЕ – Струмица подвлече дека новото возило значително ќе ги зајакне капацитетите на единицата. Упати благодарност до градоначалникот Петар Јанков и локалната самоуправа за поддршката која што им ја даваат.
Со ова современо возило значително се подготвува нашата подготвеност, ефикасност и безбедност при интервенции, особено при спасување и гаснење на пожари на високи објекти, ова не е само инвестиција во опрема, туку инвестиција во безбедноста на сите граѓани. Вашата поддршка е доказ дека трудот и пожртвуваноста на пожарникарите се препознати и ценети, а ние и понатаму ќе останеме посветени на нашата мисија – заштита на животите и имотот на граѓаните и подготвени да помогнеме во секое време, изјави Александар Гудев.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
