Кикбоксерот од Василево Пепи Велков член на КБК „K1 Арена“ Струмица, по освоеното прво место на Светскиот куп во кик-бокс што се одржа во Турција, денеска беше примен од градоначалникот на Василево Славе Андонов. Првиот човек на општината упати честитки за постигнатиот резултат и за достојното претставување на општината и државата на меѓународната сцена.
„Пепи е гордост за Василево и вистински пример за младите генерации. Овој успех покажува дека од нашата општина излегуваат врвни спортисти кои со својата работа и посветеност можат да освојуваат светски титули“, објави на ФБ градоначалникот на Василево Славе Андонов
Од Општината порачаа дека поддршката за младите и успешни спортисти ќе продолжи и во иднина, со цел создавање подобри услови за развој на спортот и нови успеси на меѓународен план.
Минатиот викенд Пепи во Турција беше најдобар во дисциплината Лоу Кик во категоријата до 67 години откако во финалето со 3:0 го совлада турскиот кикбоксер Арслан Онурџан.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
