Почина жител од Стојаково општина Богданци откако со патничко возило излетал од локалниот пат за Богородица

3404

Жител од населеното место Стојаково општина Богданци почина, откако утрово  излетало од локалниот Стојаково-Богородица со патничко моторно возило ,,сеат леон” во кое била и неговата сопруга, соопшти МВР. Несреќата според соопштението на полицијата се случила околу 1,30  часот по полноќ а смртта кај возачот ја констатирале лекари од Итната медицинска помош. Синоќа на местото на настанот увид извршиле екипа од Полициската станица од Гевгелија и Јавен обвинител по чија наредба телото на починатиот било дадено на обдукција

,, Утрово во 01.30 часот било пријавено дека на локалниот пат с.Стојаково – с.Богородица, А.П.(54) од с.Стојаково, управувајќи патничко моторно возило „сеат леон“, со гевгелиски регистарски ознаки, во кое како сопатник се превезувала и неговата сопруга, излетало од патот. Откако пристигнала екипа на Итна медицинска помош тој починал. Извршен бил увид на местото на незгодата од увидна екипа од Полициската станица Гевгелија и Јавен обвинител, по чија наредба телото на починатиот било дадено за обдукција,, стои во информацијата на МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.