Комбето што се преврте на патот Струмица-Валандово, превезувало 50 мигранти – 14 од нив повредени

1237

14 мигранти се повредени при синокешното излетувањет на комбето со битолски регистарски ознаки на патот Струмица-Валандово , соопшти МВР. Според информацијата во комбето марка ,,мерцедес спринтер” се превезувале 50 мигранти од Индија Авганистан и Пакистан додека возачот побегнал од местото.

,,На 08.07.2020 во 20.45 часот на регионален пат Валандово – Струмица, пред крстосница за село Раборци, товарно возило „мерцедес спринтер“, со битолски регистарски ознаки, во кое биле превезувани 50 мигранти од Индија, Авганистан и Пакистан, се превртело на коловозот. По незгодата возачот побегнал од местото. Во незгодата, со тешки телесни повреди се здобиле четворица мигранти, а 10 се здобиле со телесни повреди, констатирани во Медицинскиот центар Струмица, каде што биле пренесени за укажување на лекарска помош. Останатите мигранти биле пренесени во Прифатниот центар Гевгелија. Увид на местото на незгодата извршиле Јавен обвинител и екипа на СВР Струмица. Се работи на расчистување на случајот” се вели во информацијата од МВР

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.