Нема регистрирано случај на заболен од западнонилска треска во Струмичко но значително е подигнат степенот на претпазливост кај граѓаните. Тврдат дека има комарци во регионот и користат средства за заштита кои низ струмичките аптеки и не се така ефтини. Цената на репелентите се движи од 400 до 500 денари. Без спреј, крема против комарци навечер не се може надвор, велат струмичани.
Освен дома и во земјава, заштитни средства против комарци да користаат и патници кои патуваат во трети земји и предели каде има појава на болест. Со раното дијагностицирање и навремен третман може да се спречи појава на тешка форма на болеста вели Маја Катранџиска Џонлага специјалист по семејна медицина.
Дезинсекцијата во Струмица против комарци се реализира преку Центарот за развој на Југоисточниот плански регион. Досега пет пати е прскано во Југоистокот против комарци со исклучок на општините Гевгелија Богданци и Дојран.
Престојните денови во Југоистокот ќе има ларвидицна дезинскеција против комарци – Во Струмица ќе се прска на 27 август и тоа на 20 хектари – локации кои се погодни за развој на ларви од комарци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
