Земјоделците од струмичко повторно излегоа на протест, гневни што договорените откупни цени пред десетина дена не се почитуваат од страна на трговците и откупувачите. Според нив место 30 денари за килограм мешана прва и втора класа како што се согласиле откупувачите и преработувачите, цената паднала на 25 односно 20 денари за килограм.
,,Ова е срамота. Вака ли се штити земјоделството. Едно се договара, друго се прави и се тоа на штета на грбот на земјоделците. Само пет дена се откупуваше по 30 денари . Од минатата недела цената ја намалија на 25 а денес прва и втора класа откупуваат по 20 денари за килограм. На одредни пунктови и не се откупува или те уценуваат односно прибираат со квалитетот. Треба клуч на откупувачите и преработувачите“, кажа Туше Митев земјоделец
Тој и остантите земјоделци цели два часа беа пред Миниситерството за земјоделство во Струмица каде бараа од државата да најде начин и модел да ги заштити од ценовните манипулации на трговците и откупувачите. Улицата пред канцелариите на МЗШВ беа блокирани со неколку трактори .
На протестот им се приклучи министерот за земјоделство Борче Серафимовски и градоначалниците на Струмица, Василево, Босилово и Ново Село. Тие кажаа дека целосно ја разбираат нивната мака и се додјени за да им ја дадат поддршката.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
