Под мотото ,,Да се слави животот, да се слави радоста“ во Радовиш дефиле на 140 близнаци кои носеа идентична облека (ФОТО)

1265

Вкупно 140 близнаци млади и стари облечени во идентична облека, продефелираа по радовишките улици во рамките на манифестацијата  „Близнаци сме – посебни сме“. Манифестацијата што за првпат ја организираше Центарот за култура ,,Ацо Караманов” од Радовиш се одржа под мотото „Да се слави животот, да се слави радоста“ со цел да се упати порака за меѓусебно почитување и разбирање.

Дефилето со  дечиња во придружба на родители но и возрасни близнаци  почна од  Детскиот парк, а заврши на плоштадот Св. ,,Спасо Радовишки“, каде што имаше заедничко дружење и забава.

,,Изминативе години родителите самоиницијативно ги шетаа своите деца близнаци на празникот ,,Преображение” по плоштадот во Радовиш и на нивна иницијатива ова година се одлучивме сето тоа да биде во организирана форма, што наиде на огромен интерес кај радовишани. Имавме близнаци од бебиња во колички па се до 70 годишна возраст. На дефилето учествуваа 70 парови или вкупно 140 близнаци и беше навистина прекрасно. Сакаме догодина ова манифестација да добие национален карактер и сите близнаци да се соберат во Радовиш на дефиле за празникот ,, ни изјави Изабела Ангелова директор на Центар за култура ,,Ацо Караманов” од Радовиш

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.