Во изминатите 24 часа од 1.077 тестирања, регистрирани се 152 нови случаи на ковид-19, соопшти Министерството за здравство. Новозаболени според дневната статистика што ја објавува министерот за здравство Венко Филипче на својата ФБ страна има и во Струмица, Гевгелија и Радовиш. Во Струмица се регистрирани нови 4 позитивни, во Гевгелија 3 и во Радовиш 1 нов случај
Според информациите од Центарот за јавно здравје од Струмица станува збор три машки лица на возраст од 40, 46 и 53 години и жена од 45 сите од Струмица. Во тие четири нови случаи има и брачен пар. Немале контакти со досега познати кластери, за што ќе се прави епидемиолошки анкети за да се детекираат и останатите контакти.
Од информациите од гевгелискиот центар за јавно здравје, новите три случаи што се водат под овој Центар се од Гевгелија, Богданци и Дојран.
Освен во Југоистокот нови случаи има и во Скопје-39, Куманово-20, Дебар-8, Штип-14,Прилеп-1,Тетово-9, Струга-13, Битола-5, Охрид-3, Кавадарци-5, Гостивар-15, Кочани-1, Демир Хисар-2, Македонски Брод-2, Делчево-3, Кратово-1, Свети Николе-1, Кичево-2.
Моменталнта ситуација во Југоистокот со заболени од ковид-19 од почетокот на пандемијата е следна:
• Гевгелија 22, активни 11 (*7 лица од ПЕ Гевгелија се жители на Дојран, 3 на Богданци)
• Струмица 35, активни 24
• Радовиш 28, активни 23
• Валандово 6, активни 0
Во последните 24 часа нема починати од компликации на овој вирус а оздравени се 70 пациенти од: Скопје-23, Куманово-8, Штип-6, Тетово-10, Гостивар-10, Свети Николе-13.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
