Креирање нови архитектонски приказни, претворање на идеите во место каде ќе се живее и работи и создавање свои спомени е мотото на „Kara Architect & Real Estate“ (Кара Архитект и Недвижности) кој почна да функционира во ГТЦ Глобал во Струмица. Таму професионален тим предводен од архитектката Катарина Карастоева има намера на секој поединец или фирма да го понуди најдоброто со современи решенија и светски стандарди обединувајки ја архитектруата, проектирањето, ентериерите и недвижностите.
“Овој простор не е создаден само како канцеларија. Создаден е како место каде една идеја може да се развие целосно — од првата скица, преку архитектурата и ентериерот, до деталите, материјалите и вистинската недвижност. Нашата желба беше на едно место да ги обединиме архитектурата, недвижностите, ентериерите и декоративните панели, затоа што веруваме дека тие не се одделни приказни, туку делови од една целина. За нас, секој добар простор започнува со идеја, но вистинската вредност ја добива кога таа идеја ќе стане место во кое некој живее, работи и создава свои спомени“, кажа Карастоева
Покрај архитектонските решенија, „KARA Real Estate“ нуди посредување и проценки на недвижности, а понудата ја дополнува „KONTURA“ со декоративни панели, осветлување и декор за уредување простори со стил и сопствен печат. Конкретно ќе се даде креативна замисла со практичните решенија што на секој простор ќе му дадат современа форма но и целосна функционалност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
