Повторно блокада на патот кон Просениково – Здружението на возачи од Струмица тврди дека неправдено добиле забрана од МВР

896

Вработените од „Здружението на возачи-Центар за возила“ од Струмица повторно го блокираа патот од Струмица до Просениково од еден час во знак на револт оти сметаат дека МВР неправедно им даде забрана за вршење технички преглед на возилата. Како што е познато од завчера ова станица има забрана оти немале режим на сообраќај иако повеќе од 50 години работат на иста локација.

Проблемот е што патот на кој се наоѓа Здружението го нема во Генералниот урбанистички план а со тоа и во деталниот, иако патот постои. Лидија Булинг Николова управителка на здружението вели дека тие од општината имат добиено времени режими за сообраќај кој не биле прифатливи за МВР.

,,Бараме да се донесе детален урбанистички план кој би го регулирал ова прашање за да може да поднесеме барање и добиеме режим на сообраќај, кој на терен постои, но го нема на хартија. Но, очигледно е дека институциите немаат слух, ниту, пак, реален увид во состојбите на терен“, кажа вчера раководителката  Булинг-Николова која смета дека ова обид да се наруши угледот на ова станица која е подготвена и да плати за нов урбанистички план.

Во станицата работат околу 20 лица. Сите се изненадени од решението на МВР, бидејќи со години работеле на истата локација покрај патот кон Просениково и немале проблем со режимот на сообраќај. Најавија дека ќе продолжат со блокадите а технички прегледи на возилата за регистрација вршат во станицата во Турново

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.