Општина Василево годинава планира да изгради 13 улици – програмата ја почна од Едрениково

824

Во населеното место Едрениково во тек е изградба на улица, планирана со општинската Програма за изградба, реконструкција и одржување на локални патишта и улици за 2023 година.  Увид во текот на активностите направи градоначалникот на општината Славе Андонов, кој информираше дека со изградбата на оваа улица, општина Василево практично ја започнува реализацијата на годинешната Програма за локани патишта и улици со која се планирани вкупно 13 улици во повеќе населени места на општина Василево.

,,Должината на оваа улица изнесува 65 а ширината околу 3 метри, односно согласно предмер пресметката  вкупната површина што ќе се асфалтира изнесува 200 м2. Средствата во висина од 264 285 денари  се обезбедени од општинската каса. Комплетната изградба  би требало да се случи во текот на наредните денови, односно активностите да продолжат во континуитет  до асфалтирање,, стои во информацијата од општината

Изведувач на градежните работи е компанијата Бони интерградба, која на јавно објавениот тендер за изведување на градежни работи за изградба на улици на територијата на општина Василево за 2023 година имаше најповолна понуда.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.