ФК Беласица објави дека во новата сезона сениорскиот состав ќе го предводи искусниот Васе Беќаров. Постигнат е договор мегу струмичките сино бели и Беќаров тој да биде нов шеф на стручниот штаб.
,,Беќаров, кој ја поседува највисоката лиценца во светскиот фудбал според ФИФА/УЕФА стандарди ПРО лиценца, е тренер со долгогодишно искуство, а зад своето тренерско резиме може да се пофали со работа како селектор на У-17 репрезентацијата на Македонија, селектор на аматерската репрезентација на Македонија и секако шеф на стручниот штаб на гевгелиски Кожуф цели 6 години, што во денешниот македонски фудбал е вистинска реткост,, стои во објавата на ФК Беласица
Во првичната изјава на Беќаров која ја пренесе ФК Беласица на својот фб профил најави дека секојдневно ќе се бори струмичките сино бели обезбедат прволигашки статус.
“Чест, задоволство и голема обврска е да се биде шеф на стручниот штаб и да се води еден клуб со голема традиција и реноме како струмичка Беласица. Благодарност до управата за укажаната доверба и поддршка која ја добив. ФК Беласица заслужува прволигашски статус и ние заедно секојдневно ќе се бориме за тоа” – изјави Беќаров.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
