Младите „пандевци“ славеа и против тимот на Сараево од Босна на престижниот турнир КУП на пријателство што се одржува во Златибор Србија. Надежите на струмичкиот прволигаш остварија победа со 1:0 со голот на Јован Постолов и со вкупно 6 бода се први во својата група и од ова позиција се пласираа во четвртфиналето на турнирот. Победата ја посветија на својот соиграч Никола Талески кој се повреди на натпреварот.
Ова е втора победа на струмичките фудбалски надежи откако вчера го совладаа ланскиот шампион тимот на Војводина. Избраниците на Мартин Алаѓозовски и Тони Атансов сега ја чекаат разврската во групата Б од каде ќе се сретнаат со второпласираниот. Како можни противници се или Марибор од Словенија или Борец од Бања Лука Босна.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
