Од вечерва на полноќ поевтинуваат горивата, Регулаторна го објави новиот ценовник

521

Регулаторната Комисија за Енергетика ги објави новите, намалени малопродажни цени на горивата. Во согласност со методологијата за пресметка на цените, од вечерва малопродажните цени на горивата се намалуваат во просек за 2.93%.

Цените на ЕУРОСУПЕР-95 и ЕУРОСУПЕР-98 се намалуват за еден денар по литар, и овие горива ќе чинат по 58.50, односно 60.50 денари за литар.Цената на ЕУРОДИЗЕЛ горивото се намалува за 1.50 денари за литар, па еден литар дизел гориво ќе чини 49.00 денари.

Новите цени стапуваат на сила вечева на полноќ и ќе важат до следната рекалкулација. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од веќе утврдени цени.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.