,,Ода за Дебрца’’ во интерпретација на Ленче и Горан за да се чуваат убавините на ова славно место, кои во спот ги преточи ,,Showtime’’

2736

Деновиве на Youtube каналот беше промовиран видео запис насловен ,,Ода за Дебрца’’ во интерпретација на Ленче и Горан Кукиќ заедно со Црковниот Хор на Црквата ,,Успение на Света Богородица’’ од Струмица а во која стихови чита и Ѓорги Калајџиев. Станува збор за песна, за која музиката и аранжманот ги напиша Горан Алачки а текстот е на Јадранка Бибан.

Иницијатор за песната и видео записот  е Кирил Јосифовски,  преку која сака да ги отслика убавините на историското и револуционерно Дебрца, во желбата да остане чиста и зелена општина со сплотен и мирољубив народ кој не сака неправди.

Видеозаписот е дело на продукцијата ,,Showtime’’, односно Кире Пиличев и Ѓорги Кончалиев  кои во четири минути, накусо, не само што ја доловуваат природната убавина на Дебрца туку и историјата на ова место кое важи за револуционерно со архивски снимки на граѓанскиот отпор на дебрчани да си го сочуват местото.

,,Пораката на проектот е дека револуцијата во Дебрца никогаш не запрела и денес Дебрца е предводник на “револуцијата на свеста”, на еколошката револуција, со цел да се зачува единственоста на еколошките обележја и вредностите на регионот на општина Дебрца, како наше најголемо богатство, кое сме должни да го оставиме во наследство на идните генерации’’, објави градоначалникот на Дебрца Зоран Ногачески

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.