Нови 6 заболени со коронавирус во земјава, се затвора ГП Ново Село, Дојран но и сите кафетерии, ресторани, обложувалници

4077

Нови 6 лица се заболени со коронавирусот од кои 5 се од Дебар и едно лице од Скопје кое во земјава допатувало од Барселона Шпанија, соопшти вечерва министерот за здравство Венко Филипче кој истакна дека со одлука на Владата целосно се забранува работата на кафетериите, рестораните и спортски обложувалници. Тој соопшти дека се затвораат сите молови со исклучок на продавниците за храна и аптеките во истите.

Како што соопшти министерот за здравство Венко Филипче се затвораат сите копнени граничните премини со исклучок на граничните премини Богородица, Табановце, Деве Баир, Ќафасан и Блаце. Ова значи дека  ГП Ново Село на македонско – бугарската граница ќе биде затворен за патнички  сообраќај во наредниот период како и ГП Дојран на македонско-грчката граница. На граничните премини на кои е забранет премин на патници и возила дозволено е исклучиво премин на товарни возила, соопштуваат од Царинската управа.

Според  министерот Филипче ќе се затвори и аеродромот во Охрид а се забранува влез на граѓани од земјите со среден ризик согласно листата од Светската здравствена организација.

Министерот Филипче уште еднаш упати апел до сите да се придржуваат кон препораките.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.