Ридван Мемедов од Висока Маала општина Василево е една од ретките млади личности од турската заедница која место во големите урбани средини се враќа во родното село за да го гради животот и кариерата меѓу своите. Никогаш не се откажал од својот сон да заврши високо образование и да биде пример за останатите млади од турската заедница во општинта бидејки само со образовани личност се прават промени во заедницата.
Се школувал. Основно завршува во Нова Маала, средно во Струмица а студии на Универзитетот Кирил и Методиј (УКИМ) во Скопје. Најтешко му било прва година во Скопје кога сакал дури и да се откаже но благодарение на поддршката од најблиските го издржал притисокот на новата средина и дипломира на педагошкиот факултет.
,, Секако дека ни беше тешко. Честопати со мојот брадучед Екрем разговаравме дали ќе ги завшриме студиите или треба да се вратиме во Висока Маала за да не ги трошиме парите на нашите родители залудно. Но сакав нешто да постигнам нешто во животот. За време на летото кога сите одеа на одмор во Турција и Грција јас бев покрај родителите на нивите ем учев ем помагав со тутунот“, објаснува Мемедов во подкасттот ,,Гласот на младите“ кој од 2018 година е одделенски наставник за ученциите од прво до петто одделение во Висока Маала.
Ридван сега е оженет. Татко на две деца. Живее во Висока Маала со неговите родители. Освен што е учител тој интензивно се занимава и со земјоделство. Со семејството одгледуваат тутун на повеќе декари. Во периодот од 2021 до 2025 беше и член во Советот на Општина Василево. Неговата желба е да овозможи услови колку што е можно повеќе млади да се школуваат од неговото родно место. (В.Трајков)
гласот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
