Струмица и Југоистокот има што да понудат на гостите од земјава и странство како туристички производи но за жал не се доволно видливи, ниту пак добро „спакувани“. На оваа поле треба да се работи во иднина бидејки купувачите сакаат да знаат што купуваат на пазарот пред се на дигиталниот и колку тие производи се атрактивни.
Ова значи дека е потребна едукација не само на туристичките работници туку и на локалното население и институциите бидејки само со координиран пристап може да се постигнат ефекти. Ова беше конкретнизирано како препораки за Националната стратегија за туризам во наредниот период на работилницата што се одржа во Струмица.
Универзитетскиот професор за туризам и угостителство во Охрид Сашо Коруновски смета дека во иднина треба да се фокусираме на фактот што продаваме на пазарот и колку онаа што го нудиме е добро спакувано за да го привлече вниманието на туристите. Факт е дека државата па и Југоистокот имаат потенцијали но колку тие потенцијали се видливи на дигиталниот пазар и како се спакувани. Тој со препораки за Југоистокот но истакна и каква е посетеноста на општините од овој дел на државата и колку се присутни на онлајн пазарот.
Паралелно мора да се размислува и за регионална понуда за да може туристите се задржат на повеќе денови во Југоистокот. Затоа и општините мора да бидат двигатели на тој процес пред се на дигиталниот пазар. Коруновски смета дека во тој поглед локомотиви мора да бидат две или три општини. Инкау Струмица е трет град по видливост на туристичкиот дигитален пазар во земјава по Скопје и Охрид но треба уште работа на тоа поле, вели Коруновски….. (М.К.)
Еве што вели универзитетскиот професор
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
