Новата учебна година ќе стартува со онлајн настава – има два исклучока, за што родителите ќе треба да дадат согласност

1674

Наставата во новата учебна година ќе започне онлајн или од далечина. Вака соопштија министрите за здравство и образование Венко Филипче и Арбер Адеми кои ги соопштија двата исклучока за да има настава во школо а за кои треба согласност да дадат родителите на учениците. Имено исклучок ќе биде за учениците од 1-3 одделение кои заради социјалниот развој е потребно да следат настава во школо по утврдните протоколи но ќе биде потребна согласност од родителите за да децата  може да ја следат наставата во школо.

Физичка настава може да се организира и реализира и во општини каде има мал број на деца и паралелки и мал број заразени од ковид-19, соопштија министрите. Овие општини прво ќе мора да добијат согласност од родителите да ги пуштат децата на настава а потоа да побарат дозвола од Владата за настава во школо. Владата ќе ги разгледа барањата на општините кои се јавуваат основачи на училиштата и ќе одлучи дали ќе дозволи во тие локални самоуправи да има физичка настава

За наставата во школо, училиштата треба да овозможат во една паралелка да има максимум 20 ученика со физичка дистанца од метар и половина и наставата да ја следат со маски. Меѓу часовите да има пауза од 10 минути а да има  редовна дезинфекција.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.