Никола Ѓорѓиев доби награда за посебни заслуги во спортот за 2019 од АМС и спортските федерации

1612

Капитенот на машката одбојкарска репрезентација која годинава дебитираше на Европско првенство во Словенија и оствари две победи – струмичанецот Никола Ѓорѓиев доби награда за посебни заслуги во спортот за 2019. Наградата му ја додели Агенцијата за млади и спорт и Сојузот на спортски федерации кои на гала настан ги доделија наградите за најдобрите спортисти и федерации за ова година.

Струмичанецот  Ѓорѓиев беше еден од најистакнатите во подемот на одбојкарската репрезентација последниве години. Тој на ЕП во Љубљана освои 37 поени во незаборавното издание против Белорусија и 24 против сребрената Словенија во натпреварите на коишто македонската одбојка ја испиша најсветлата страница во својата историја пишува на сајтот на одбојкарската федерација

„ Благодарност до Агенцијата за млади и спорт, благодарност до мојата фамилија, на Одбојкарската федерација којашто ни овозможи да стигнеме преку трње до ѕвездите. На оваа награда пишува Никола Ѓорѓиев, но оваа награда е на сите играчи, на стручниот штаб и на Одбојакрската федерација на Македонија. Оваа година беше феноменална за нас и се надевам дека и во наредната ќе продолжиме да ја радуваме нацијата“, изјави Никола Ѓорѓиев откако ја доби наградата на свеченоста на прогласувањето на најуспешните спортисти, тренери и федерации во Националната опера и балет.

Освен Никола Ѓорѓиев, одбојкарската репрезентација е прогласена за најуспешен машки национален тим, а Одбојкарската федерацијата на Македонија беше номинирана во категоријата најуспешна национална спортска федерација.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.