Фудбалерите на Академија Пандев заедно со стручниот штаб и управата во градската меана ,,Мерак” во Струмица го прославија новиот излез на европската сцена откако славеа над Работнички. Тие неколку пати ја пеа песната ,,Неможе нам нико ништа” алудирајки дека и покрај многуте турбуленции сезонава тие се закотвија на вицешампионското место и обезбедија европско лето по вторпат во клупската историја.
Фудбалерите во Мерак ги покажа и своите вокални и играорни способности при што предничаа Диме Димов, Пепи Ѓоргиев, Адис Хаџановиќ, Тимислав Илиев, Кристијан Велиновски, Бојан Димовски а одвреме навреме им се приклучуваше и Бихорац. Ритамот на македоснка забава го фати и Оусман Маронг. Секретарот на клубот Томче Николов – Лац имаше свое шоу, стратегот пак Ѓорги Стојчев запеа и постојано беше со фудбалерите но и стручниот штаб.
Сашко Пандев ја запеа ,,За тебе брате”. Активен беше и тренерот на голманите Томи Пандев кој очигледно го погодија дел од песните па се качи на стол. На стол беа и поголемиот дел од фудбалерите кои се радуваа на новиот излез во Европа а присутни беа и гости но и дел од луѓето кои се задолжени за редот на секој натпревар дома.
Академија Пандев по денешната победа над Работнички во претпоследното коло и ремито на Шкендија со Шкупи, ова првенствена сезона ја завршува како Вицешампион иако има уште едно коло да одработат и тоа со новиот шампион Шкупи но резултатот нема да влијае на распоредот на табелата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
