Шампионот ОК Џио Струмица пријави учество и организација на турнир од Балканскиот КУП, го мерка Европскиот Челенџ !

1565

Македонскиот одбојкарски Шампион и освојувач на националниот КУП, екипата на Џио Струмица пријави учество во Балканскиот КУП – регионално одбојкарско  натпреварување преку кое најдобриот ќе обезбеди учество во европското ЦЕВ Челенџ натпреварување. Балканскиот КУП се игра турнирски во зависност од бројот на екипите што ќе се пријават. Од таа причина ОК Џио Струмица, освен што го пријавија сениорскиот тим во ова натпреварување, се пријави и како можен домаќин и  организатор на турнирското натпреварување во салата Парк.

На Балканскиот КУП, екипите сами се пријавуваат и тоа од државите од овој дел на Европа. Сега се чека официјалната бројка за да се констатира колку вкупно екипи покажале интерес за ова натпреварување за да се организираат еден или повеќе турнири на кои ќе земат учество екипи од Црна Гора, Бугарија, Романија, Босна, Грција, Турција, Хрватска итн. Ако бројката е помала ќе има еден турнир доколку бројката на пријавени екипи е поголема ќе се организираат два или три турнири во повеќе држави.

ОК Џио Струмица во последната првенствена сезона ги освои двете титули со само два пораза а костурот е составен претежно од македонските репрезентативци кои ги почнаа подготовките за ЕП во Словенија

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.