На гласачкото ливче за градоначалник во Ново Село, Стоилков под реден број 5, Андонов под реден број 7

690

Познат е редоследот на кандидатите за градоначалник во Општина Ново Село  откако денеска во ДИК, партиите кои поднесоа кандидатури ги добија редните броеви под кои ќе се најдат нивните кандидати на гласачкото ливче на градоначалничките избори на 21 идниот месец

Според жрепката за трите општини Охрид, Дебар и Ново Село каде партиите имаат свои кандидати, ДУИ е прва на гласачкото ливче, втора е Алијанса за Албанците, трета е Демократи, четврта е Граѓанско демократската унија, петта е ВМРО-ДПМНЕ, шестта е БЕСА и седма СДСМ.

Ова значи дека во општина  Ново Село, Николчо Стоилков ќе се најде под реден број 5 додека Никола Андонов под реден број 7.

Адутот на СДСМ – Андонов е познат стопанственик од селото Колешино кој беше градоначалник на Ново Село во периодот од 2005 до 2009. Стоилков како кандидат на ВМРО ДПМНЕ  е вработен во Царинската управа инаку претседател на ОК на партијата во ова општина.

 

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.