Изработена е видео анимација како ќе изгледа туристичката патека од Валандово до манастирот Св. Ѓорѓи. Станува збор за проект кој ќе се реализира преку Центарот за развој на Југоисточниот плански регион за кој Советот на градоначалници пред нова година на седница дадоа зелено светло како втор приоритетен проект за 2019 во овој дел на држаата.
Станува збор за проектот “Валандовска патека од природа до култура“ односно оплеменување на патеката од Валандово до манастирот Св.Ѓорѓи со пропратни урбани елементи во фунција на развој на туризмот. Се планира проширување и реконструкција на постоечкиот пат од Валандово до манастирот св. Ѓорѓи со формирање паркинг зони и осветлување на целата траса, поставување павиљони со различни визури, изградба на трим патека, забавен парк за деца и уредување на просторот околу манастирот.
Целиот проект ќе чини околу 7 милиони денари. Средствата се планира да бидат обезбедени од Бирото за регионален развој преку Програмата за рамномерен регионален развој. Општинските власти на својата ФБ фан страна објавија анимација како ќе изгледа таа патека и што се како урбани елементи ќе бидат поставени…
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
