Кандидати за пратеници на ВМРО-ДПМНЕ од Струмичко побараа благослов од Епископ Стобиски г. Јаков, соопшти партијата

На почетокот на кампањата за Претседателски избори, ВМРО-ДПМНЕ  како  чин на изразување на добрата намера и почитување на вредностите на нашиот народ со своја делегација составена од  Анотнио Милошоски, Ели Панова, Жан Дрвошанов,  Др. Јадранка Поцкова,  Др. Никола Маџунков,  Др. Петар Марков, советникот  Владимир Ристов го посети Викарниот Епископ Стобиски  Господин Јаков во Манастирот во Водоча, соопшти ОК на ВМРО ДПМНЕ од Струмица. На средбата како што информираа од ОК бил побаран благослов за добар тек на претстојните работни денови и активности во пресрет на Велигден и Изборите во два круга закажани во месец мај.

 ,,Благословот Божји и љубовта Негова се упатени до секој човек, но до некои луѓе, групи и организации едноставно не можат да допрат заради тоа што самите тие својата слободна волја ја ставиле во служба или уште пострашно ја продале за богатства трулежни на непријателот Божји, на кнезот на овој свет и неговите помошници…( делумен цитат)

ВМРО-ДПМНЕ му благодари на Неговото Високопреосвештенство Господин Јаков за приемот и презема обврска за чесно и одговорно однесување не само во текот на кампањата туку и во односот кон државата, нашите исконски вредности во чиј центар се Црквата и доброто на поединецот, стои во соопштението.

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.