Општина Валандово на својата ФБ страна објави дека информацијата на новинарот Ване Трајков ,, Фолк Фест Валадово не доби пари од Министерството за култура, оти општината аплицирала на погрешен конкурс’’ е непрофесионална и тенденциозна. Во образложението, општината наведува дека новинарот Трајков ја објавил веста без да биде побаран одговор од општината како што побарал од министерството за култура, иако во пласираните вести за медиумите има изјава и од градоначалникот Перо Костадинов запазувајки ги сите новинарски стандарди и норми.
,,Општина Валандово, годинава како и сите претходни години аплицира на конкурсите од Министерството за култура во делот на манифестации и фестивали од музичка и музичко – сценска дејност, во која Фолк Фест Валандово како манифестација припаѓа.
За одржување на годинешниот Фолк Фест – Валандово, општината има поднесено апликации во конкурсот за финансирање на манифестации и фестивали од музичка и музичко – сценската дејност како и во конкурсот за град на културата во 2022 година. Двете апликации се целосно исправни и по истите очекуваме одговор. Поради објавувањето на оваа вест од страна на наведениот новинар, без притоа да се побара одговор и од општина Валандово, како што е побарано од Министерството за култура, сметаме дека истата е непрофесионална и тенденциозна,, стои во реакцијата на општина Валандово на својата ФБ страна
Веста од новинарот Ване Трајков во која има изјава од градоначалникот Перо Костадинов но и став од Министерството за култура зошто не дале пари, а за која општина Валандово реагираше, беше објавена на порталот СДК.МК, ТВ Канал ВИС и порталот Дрнка.МК.
Информација за недоделување средства за овој фестивал од Министертвото за култура заради грешка апликација, објави и Државната новинска агенција МИА од која пак беше превземена и од други информативни портали.
Информативниот портал ДРНКА.МК остро ја осудува јавната пресметка на Општина Валандово со новинар по социјалните мрежи, сметајки дека тоа е класична дискредитација и притисок врз новинарот Ване Трајков при што побара реакција од сите наделжни новинарски и медиумски организации.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
