Секторот за управување со ИПАРД фондовите при МЗШВ, утре во Струмица ќе реализира инфо ден за Мерката 3 од ИПАРД програмата на која заинтересираните граѓани и правни субјекти моќе да се информираат за постапките и условите за аплицирање за добивање средства од ова програма. Станува збор за програма кој доделува средства за инвестиции во основни средства за преработка и маркетинг на земјоделски и рибини производи.
Корисници на мерката можат да бидат трговски друштва како микро, мали или средни претпријатија до 250 вработени и годишен обрт до 50 милиони евра но и земјоделски задруги кои што се занимаваат со преработка на млеко и млечни производи, преработка на месо и месни производи, преработка на овошје и зеленчук, преработка на житарици, мелнички производи и скроб но и правни лица кои што произведуваат енергија со преработка на примарна биомаса од растително потекло.
Со повикот им се овозможува на домашните претпријатија и на земјоделските задруги да инвестираат во отворање преработувачки капацитети и опрема при што педесет отсто од инвестицијата ќе им биде кофинансирана. Инфо денот во Струмица ќе се реализира во Домот на АРМ во Струмица со почеток во 11 часот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
