Утрово почина Иван Котев од Струмица човекот кој со години беше посветен на собирање, проучување и афирмација на македонското народно и фолклорно творештво. Веста ја објавија неговите најблиски на социјалните мрежи.
Котев повеќе од половина век собирше македонско фолклорно творештво. Зад себе има издадено 15 книги, а има илјадници песни, изреки, мудрости, приказни со изворен струмички дијалект кои чекаат да го видат светлото на денот. Негова мисија беше да се публикуват и сочува огромното фолклорно творештво од струмичкиот регион и да биде поука за идните генерации.
Иван Котев е роден во 1939 година во струмичкото село Робово. Работел како учител и наставник во повеќе училишта во Струмичке. Цели 25 години ја извршуваше функцијата директор на училиштето во Дабиле. Своето образование го надградувал на Педагошката академија во Штип и на Филолошкиот факултет при Универзитетот „Свети Кирил и Методиј“ во Скопје.
Од 1969 тој беше и соработник на Институтот за фолклор „Марко Цепенков“ – Скопје и почнал со собирање на народното фолклорно творештво. Покрај собирањето на народни песни, обичаи, преданија и други фолклорни записи, Котев бил и нивен внимателен толкувач и проучувач. Учествувал на бројни научни собири и конгреси, а неговиот прв научен труд бил посветен на сурварските обичаи во неколку струмички села.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
