За последниот ден во Југоистокот регистрирани 82 позитивни на ковид-19, најмногу во Струмица и Гевгелија

568

Во последните 24 часа Струмица и регионот се најде меѓу градовите кои високо котираат на статистиката на Институтот за јавно здравје по бројот на новозаболени од ковид-19. Ако во последната седмица од месец февруари беа забележани само 68 позитивни, во изминатото деноноќие во Струмица се евидентирани дури 36 заболени со ковид-19 и бројката на активни случаи се зголеми на 220 лица.

Не е мала бројката на дневно ниво ниту во Гевгелија каде изминативе денови секој ден бројката е двоцифрена. Таму во последната недела од февруари беа забележани 96 заразени, за последните 24 часа евидентирани се 35 позитивни со што бројката на активни случаи во ова општина се зголеми на 223.

За изминатото деноноќие во земајва се евидентирани 807 позитивни. Во Скопје се регистрирани 359 нови случаи, во Куманово и Охрид – по 38, Кавадарци, Струмица и Неготино – по 36, Гевгелија – 35, Тетово и Прилеп – по 34, Гостивар – 29, Битола – 25, Велес – 24, Крива Паланка – 12, Кочани и Крушево – по 11, Ресен – 6, Струга, Кичево и Валандово – по 5, Пробиштип и Богданци – по 4, Штип, Дебар, Берово и Демир Хисар – по 3, Делчево и Радовиш – по 2, Свети Николе, Виница, Кратово и Демир Капија – по 1.

Според досега завршените епидемиолошки анализи во моментов дистрибуцијата по градови во Југоистокот е следна:

Струмица 36, активни 220
Гевгелија 35, активни 223
Радовиш 2, активни 23
Валандово 5, активни 32
Богданци 4, активни 51
Дојран 0, активни 1

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.