За една година Гевгелија ќе добие нов урбан парк на 6 000 m², проектот чини 106 илјади евра

4201

Започна расчистувањето на теренот од 6 000 метри квадратни кај вториот кружен тек на Булеварот Гевгелија од едната страна и улицата Саво Михајлов од другата страна – каде според најавите на општинските власти треба да никне нов урбан парк.  Веста дека на катастарските парцели 2885/1 и 2942  почна да се гради јавна зелена површина ја објави и првиот човек на Гевгелија Андон Сарамандов, кој подвлече дека граѓаните на Гевгелија ќе добијат најсовремен и модерен парк.

,,Изградбата опфаќа нови пешачки патеки од павер елементи, простор за одмор, модерно осветлување и хортикултурно уредување. Воедно, тука ќе никнат и нови садници со кои ќе придонесеме за нашата општина да добие уште повеќе зеленило,, објави градоначалникот Андон Сарамандов.

Новиот урбан парк во Гевгелија ќе го гради фирмата Стоун Форм од Гевгелија која на тендерот во конкуренција на 7 фирми достави најниска цена.  Паркот со сите потребни елементи треба да го реализира за 106 илјади евра или 6 милиони и 543 милиони денари со ДДВ.

Според склучениот договор во паркот освен пешачки патеки треба да бидат поставени 40 клупи за одмор 18 корпи за отпад но и два парковски држачи за велосипед. Исто така треба да биде поставено и осветлување со вкупно 25 лед светилки. Откако ќе се реалзиираат сите работи ќе се пристапи и на хортикултурно уредување. (В.Т)

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.