Вкупно 17 уметнички дела доби општина Радовиш од Здружението за ликовни уметници ,,Рада” кое е организатор на Меѓународната радовишка колонија ,,Св Ѓеоргија’’ која секоја година се одржува во манастирскиот комплекс во радовишко Ораовица
Делата на првиот човек на општина Радовиш Герасим Конзулов му ги предаде претседателот на Здружението на ликовни уметници ,,Рада” Душан Коцев во знак на благодарност што општината традиционално ја помага ова колонија, на која лани учествуваа околу 20 тина ументици од Македонија, Русија, Турција, Бугарија и Србија и создадоа повеќе уметнички дела.
Уметничките дела во маслена и акрилна техника изработени на слободна тема како што најавија од општината ќе ја красат општинската зграда но ќе бидат доделени и на институции и установи кои се под нивна надлежност но и за делегации што ќе ја посетат ова општина.
Радовишката меѓународна ликовна колонија ,,Св. Ѓеоргија’’ минатата година се одржа по четврти пат на кој уметници од земјава и странство твореа на слободни теми инспирирани од убавините на радовишкито регион.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
