Одбојкарките на Пелистер Волеј забележаа победа од 3:1 во сетови против тимот на Македонија Макс во рамките на 4 тото првенствено коло од Првата одбојкарска лига. Битолчанки во салата при ООУ Видео Подгорец во Струмица имаа поголема желба за победа а тоа го покажаа и на терен наспроти домашниот Македонија Макс кој беше далеку од својата препознатлива игра.
Девојките на Роберт Митковски одиграа борбено, дисциплинирано и пожртвувано за секој поен. Стартуваа фуриозно. Предводени од Трпеновска, Димовска, Пејовска, Белокозовска, Пелистер Волеј го доби првиот сет со 25:22 а со ист ритам продолжија и во вториот сет кој го добија со 25:17. Струмичанки во овој период играа анемично со многу грешки во приемот и нервоза на теренот.
Стегнаа ,,заби’’ во третиот сет кој го добија со 25:17 кога Пелистер потфрли. И кога сите мислеа дека ќе следува резултатски пресврт, битолчанки повторно ,,нагазија’’ и не дозволија да пропуштат победа против домашниот Макс. Четвртиот сет го добија убедливо со 25:13 за конечни 3:1 во сетови.
Со ова победа Пелистер ги зголемува шансите за Плеј офот наспроти Макс кој го забележа третиот пораз во низа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
