Горан Пандев полни 37 години а коментаторката Бартоло му ги избра трите ТОП гола за Џенова (видео)

1556

Горан Пандев ,,растура’’ ова сезона во дресот на Џенова. Постигна 9 голови и тој во моментов е најдобриот стрелец во таборот на Џенова. Пандев кој е роден на 27 јули 1983 годин и полни 37 години веќе ја кажа роденденската желбата на професионален план – со Џенова опстанок и сезоната да ја заврши со двоцифрена бројка на постигнати голови.

27 годишна пак Џулија Бартоло, задолжена за преносите на Џенова како коментаторка, неодамна изјави дека струмичанецот Пандев е додадена вредност на клубот со неспоредлива фудбалска техника и ретко кој фудбалер може да привлече толку огромна почит.

,,Пандев го сметам како гаранција за тимот. Тој е многу ценет од неговите соиграчи и навивачите и еден од ретките што го сакаат сите, вклучително и навивачите и претседателот, што не е лесно да се постигне,, вели Бартоло која 7 години работи како коментаторка на Џенова  за емисиите “We Are Genoa” и за “Stadio Gol“ каде ги коментира натпреварите во живо.

Таа головите против Верона, Јувентус и Лече ги смести како Топ 3 на Пандев во дресот на Џенова која е на прагот да обезбеди опстанок во Сериа А.

Официјалниот пак спикер на Џенова  Андреа Карети лани дури десетпати го изговори името на Горан додека  бројната публика на стадионот  Луиџи Ферарис го изговараше презимето на струмичанецот, за кого клубот се изјасни дека вратите на Џенова постојано му се отворени.

 

Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.