Екипата на Струмица жени со 3:1 во сетови славеше против Наковски волеј во првото градско дерби оваа сезона и ја превзеде лидерската позиција на прволигашката табела во женска конкуренција. Во преполнетата сала при СОУ Димитар Влахов , Струмица жени победата ја најави уште на стартот од мечот откако ги доби првите два сета, Наковски се закани но без сила за пресврт.
Двата тима почнаа со надмудрување на теренот. Во првата половина имаа егал резултат со блага предност на домакинките, но во втората половина од првиот сет Струмица жени направи добра серија и го сврте резултатот во своја корист за водство до 1:0 во сетови (25:22). Во вториот, гостинките Струмица жени имаа целосна доминација. Во одредени моменти имаа и предност од 7 поени па си дозволија мирен финиш за 25:21 за водство од 2:0 во сетови.
Наковски волеј ја подобри својата игра и го доби третиот сет со 25:21 но како да ги потроши силите па во четвртиот, Струмица жени лесно ги освојуваше поените добивајки го со 25:17 за конечните 3:1 во сетови.
Струмица жени со седум победи од исто толку мечеви односно без пораз, сега е лидер на прволигашката одбојкарска табела со вкупно 17 поени два повеќе од Наковски Волеј по што следуваат екипите на Јанта и Работнички од Скопје.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
